ASTURIAS Y LA INDEPENDENCIA / ASTURIES Y LA DIXEBRA

Ún camienta que lo que-y pasa a Valledor ye dalgo cenciello. Valledor ye nacionalista (asturianu) y, poro, nun tien partíu que lu abellugue. ¿Suénavos? Porque a mí sí, ye lo que me pasa a mí y a milenta nacionaliegos comu yo.

Mentantu, vivo nun exiliu interior que Valledor nun pue permitise, ye una figura política y social de demasiau valir. Confiando en que la máquina de picar carne del nacionalismu patriu nun lu pille, los de a pie, naguamos por un rispiu de xacíu, dao que ya tenimos "backtestiao" que la xunidá algama ésitos (1991) y que votu nacionaliegu haylu, lo que nun hai ye papeleta que los nacionalistes podamos meter na urna. Una papeleta que mos represente y defenda.

Igual con eso Valledor nun diba tar solu.

Nun tan les coses pa andar engañaos, la única posibilidá de sacar alantre esti país, conservalu, meyoralu, facelu más ricu ye algamando la hexemonía; el poder cultural del que falaba Antonio Gramsci.

Anguaño, esti poder, que ye el que pon gobiernos, ta nes manes de los nuesos enemigos. Ye la dictadura del xenocidiu cultural que mos afuega. La dignidá ciudadana qu'a los asturfalantes, por exemplu, mos niega Areces ya la so tropa villista, dánosla la resistencia y la llucha. Esto ye lo que mos fai dignos.

Nun penséis que van pactar con nos, ¿pa qué diben facelo si somos minoritarios? ¿Qué mos van dar si nun mos necesiten pa ná, nin siquier pa ganar nes elleiciones?. Sólo una nueva mayoría social que los arrastre podrá danos la llibertá de ser como somos.

Siempre se ta a tiempu de que la máquina de picar carne que ye'l nacionalismu astur de pasos intelixentes. El primeru y más evidente ye la acumulación de fuercies y votos. Acumular pensamientu, acciones, trabayu...La entrada nes instituciones ye dable y deseyable. Siempre pensé qu'una de les coses que faltaben nel nacionalismu astur ye dalgo que se da por supuestu, PATRIOTISMU. Con más patriotismu acabaríense les rocees personales, les diferencies de criteru salvables, los egocentrismos. Hay que dexar de xugar a la política comu si fora un reality y facela na realidá.

ANDECHA tien el focu encima d'ella pol so brillante movimientu. Quiciaves lo más llamativo seya la foto col PAS. Típico de Xuan lo de pone-y una vela a Dios y otra al diañu. Y significativo que un egocéntricu como él, esta vegada nun quiera salir na foto. En cualquier casu, UNA ta nuna posición "incómoda", pero el que seya capaz de axuntar les fuercies pa axuntar votos sedrá ganador a llargu plazu, aunque seya sólo n'esti micromundu del nacionalismu; lo demás ye retórica. N'esi llabor de emporcase de realidá y de instituciones, nun veo a ANDECHA

Dientro de la mala calidá democrática del estáu español, onde nun se respeten nin la separación de poderes nin el principiu representativu, rescampla que, ensin que casi naide gorgute, s'aplique un auténticu estáu d'esceición n'Euskadi. La xente nin se pue manifestar llibremente, nin pue votar lo que quier. Esta vuelta la Ertzaintza sostituye a los grises, pero lo qu'asocede ye franquismu puru, sin más

Diráseme que son violentos, el brazu políticu de ETA y ye verdá, pero güei declaramos ilegales a estos por esto, y, quiciabes mañana a otros por otra cosa. ¿Cuálu va ser el criteriu? ¿Quién lo va decidir? ¿Los dos partíos españoles mayoritarios interesaos n'eliminar competidores ellectorales? Si xugamos a la democracia, xuégase con toles consecuencies, seique los resultaos seyan odiosos, incluso anque se llegue a la propia lliquidación de la democracia por vies democrátiques. Na dómina que taba na facultá de Derechu, ficiéronme estudiar un llibru de derechu constitucional (1º cursu) que ñegaba esta última posibilidá. Nunca tuvi d'alcuerdu. Claru qu'esi mesmu llibru aprebaba la espropiación de Rumasa per decretu-llei 

Avecen a sentise, incluso nel "entourage" nacionaliegu dellos llugares comunes al respective del ésitu/fracasu (más bien esti caberu) del nacionalismu astur.

Un analís oxetivu, ponderau ya dende lo que les teoríes del conocimientu llamen "puntu de vista externu" ufre unes consecuencies non mui acordies col llugar común de "aquí el nacionalismo no triunfa"

De va venti años, los conceyales que se declaren nacionalistes multiplicáronse, en estremaes sigles, ye cierto. L'únicu debate políticu qu'hai n'asturies, ta monopolizáu por temes o banderes asturianistes/nacionalistes, que son a la fin les úniques postures que suponen una oposición al modelu imperante, onde'l PSOE sustituyó a Franco comu xestor de la provincia.

La violencia y visceralidá con que se cortó col tema de la llingua asturiana con un envís lliquidacionista, ye la preba del nueve de cuánto en realidá avanzó l'asturianismu nestos caberos trenta años. La posibilidá de la oficialídá ye real, y tómenla en serio los apóstoles del apartheid llinguísticu (Psoe, Pp, Rosa Díez).

Por ciertu que del nacimientu, espansión y futura caída de esta última señora, falaremos más alantre

COMIENZO AHORA A COLGAR LAS REFLEXIONES QUE HASTA AHORA ME GUARDABA PARA MI.
AQUÍ PUBLICARÉ,ALTERNATIVAMENTE, EN LAS DOS LENGUAS QUE CONSIDERO MIAS (CASTELLANO Y ASTURIANO) OPINIONES POLITICAS, FILOSÓFICAS, SOCIALES Y, EN GENERAL TODO LO QUE TENGA QUE VER CON EL TÍTULO DEL BLOG.
POR QUE SE TITULA ASÍ, YA SE IRA VIENDO

SALUDOS